【Messy Play】要和你的孩子玩Messy Play嗎？家中自備Messy Play材料大檢閱

眾所周知，Messy Play嘅一大特點就係由小朋友主導，讓孩子可以自由發揮。家長們不妨係同小朋友玩Messy Play之前，預備好唔同嘅材料。當然因為希望寶寶可以接觸身邊嘅事物，大部份教材都可以用返小朋友日常會接觸到嘅物件。我地今次就研究下可以係同寶寶玩Messy Play可以預備啲咩啦！

1.messy play防水墊/膠箱

相信有好多家長對Messy Play卻步嘅原因係擔心小朋友玩到好污糟，事後清潔會好麻煩。有見及此，市面上早已推出唔少係專門為Messy Play/Sensory Play而設計嘅防水墊，等寶寶可以係防水墊入盡情玩耍，唔洗擔心材料會亂飛，同時玩完Messy Play後只要用清水就可以洗走防水墊上嘅污漬了！值得一提嘅係，有部份家長都會用大膠箱來玩Messy Play，並教小朋友留係膠箱入面活動。

2.食物

很多年幼嘅寶寶都鐘意食手指，亦都會將手中嘅物件擺入口，所以好多家長都會準備食物當作Messy Play素材。常見嘅一般有意粉、米、麥皮同埋麵粉等，部份食物例如係麵粉同麥皮係加左水之後就會變軟、發大，讓寶寶對日常接觸的嘅物有全新認知。又或者係家長會將物色加入少少可食用色素，七彩顏色嘅食物就自然會吸引到小朋友玩Messy Play。

3.柔軟質感的東西

除咗食物之外，一般家長都鐘意購買柔軟質感嘅東西俾小朋友玩Messy Play，例如剃鬚膏、可清洗顏料同埋鬼口水等。寶寶唔單止可以觸摸物件之外，佢地仲可以利用呢啲物品進行創作，例如將鬼口水搓成唔同形狀，又或者係用畫料黎畫畫或者寫字，增加寶寶嘅創意力。