【Messy Play】只係做隻污糟貓？一文了解五個寶寶玩Messy Play好處

10個月以上嘅寶寶開始識行識走，家長們可以開始為寶寶報名參加唔同課程，一來既可以「放電」，二來仲可以讓寶寶接觸多啲陌生人，增進社交技巧。除左坊間普遍都有嘅Playgroup外，近年來都多咗機構舉辦MessyPlay課程。咁到底MessyPlay有咩好處，令一班家長都可以放心俾寶寶們參加呢？

1. Messy Play可以刺激小朋友感官發展

1. 感官係指眼睛、耳朵、鼻子、嘴巴同手。作為大腦同外界接觸嘅橋樑，強化寶寶嘅感官發展，可以有效促進大腦嘅突觸連結發展，令小朋友擁有優秀的學習能力。Messy Play正好令寶寶有機會接觸唔同質感嘅物件，再用唔同方法玩耍（例如用手拎或者擺入口食），加深寶寶嘅感官學習記憶。

2. Messy Play 著重由小朋友主導

1. Messy Play嘅一大原則就係喺安全情況下，要讓寶寶自由發揮，鼓勵佢哋以第一身探索周邊嘅事物。藉著寶寶係過程中不斷探索身邊嘅事物，一方面可以增加他們對身邊環境的認識，二來更可以增加小朋友對外界環境的好奇心同增強創造力，對寶寶嘅日後發展有著莫大嘅裨益。

3. 幫助小朋友大小肌肉發展和手眼協調

小朋友喺Messy Play自行探索、玩樂時，很多時都習慣用手，有利寶寶嘅手仔肌肉（小手肌）發展。同時寶寶亦會用上四肢同五官，例如將食物擺入口或者踏入水池中，咁樣同時都可以促進寶寶嘅四肢大肌肉同埋手眼協調嘅發展。

4. 讓小朋友學習自律

Messy Play結束後，家長可以同孩子一齊收拾，進行清潔，讓孩子從中學會自律同埋識得聽從指令，對於日後嘅管教非常有用。